Artigu Gruta Santa filomena Bidau Lecidere

Gruta santa filomena hanesan fatin sagrada ne'ebé harii kedas iha tempu  malae Portugés nian.

Harii iha Aldeia kapela  Postu nain Feto Suku Bidau Lecidere.

Santa filomena ho naran lolos FEE-LOO-MAY-NHA husi lian latin ho nia signifika katak filia "oan feto"ou naroman.

Filomena feto ne'ebé koñesidu hanesan saint philomeor fillomeor, filomena Roman nian  joven feto virjen ida ne'ebé ema hetan mate isin iha dia 24 Maiu 1802 iha catmbaco priscilla

Filomena ne'e katak dame hela ho imi, 

Santa filomena mak sai nain ba bebe no foin sa'e sira.

10 de Agostu sai hanesan loron ka festa boot Santa filomena nian nebe sarani  sira sempre selebra iha loron santa filomena nia hodi hasa'e sira nia orasaun no husu tulun,  hodi ajuda sira iha wainhira iha problema nia naran. 

Vizitante Atanacio Soares Gusmão hateten:  "Gruta Santan filomena hanesan fatin ne'ebé vizitante sira  mai atu haklaken sira  nia orasaun  nu'udar  fiar religiao Katólika nian atu proteje no kuidadu ita nia fatin sira ne'e hanesan fatin sagrada,mai iha  fatin ne'e ho objetivu ida de'it katak atu haklaken ita nia orasaun, ho hametin nafatin ita nia fi'ar ba iha Santa filomena.

Vizitante Maria pradani millenia Gomes hateten: "Ita ema kriatura idak2 iha nia fiar rasik liuliu iha religiaun, Nu'udar ema fiar nain ida iha religiaun  katolika ita adora ba ita nia maromak,  no estatua sira nebe konsidera sagrado iha religiaun nee rasik.  Hau pesoal tau hau nia fiar no nudar hau nia matadalan iha st. Filomena . Tuir hau nia koinesehemento no hakerek nanis ona konaba Santa Filomena katak  nia santa ida nebe sai guarda ba labarik bebe no joven sira filomena mos hatudu milagre no sai guarda nain  ba ema sira nebe lakon vontade no ba buat hotu nebe ema dehan imposivel se ema nee hasa'e intensaun duni ho laran tomak, liuliu ba sira nebe presiza tebes Santa filomena nia ajuda.

gosta ba vizita fatin Santa  Filomena nian tamba  iha fatin neba sente hakmatek no konfortavel tebes no babain ba iha tempu nebe la okupadu ka livre

Sente kaman no sente konfortavel los bainhira hasa'e ona intensaun no orasaun sira hotu ba santa  Filomena tamba hare ba santa ida nebe ho idade sei kiik maibe sai ona santa no  sai milagre nain ba ema sira nebe tau fiar ba nia .

karik belun sira hakarak ba vizita  gruta santa filomena ho microlet 03,04,10 tun  largo diresaun husi largo ba Bidau Lecidere ho 5 minutus la'o ain, karik balun ho transporte privadi ba para kedas iha hotel turismu nia  kotuk bele tama liu ba laran gruta santa filomena lokaliza iha ne'eba. 

Vizitante sira husi fatin seluk sempre mai vizita Santa filomena  husi dader meudia no kalan.

Maibé vizitante barak mak gosta liu mai vizita Santa filomena iha tempu kalan tamba sees husi barulhu ho transporte nia lian sira bele tur hakmatek hodi haklaken sira nia orasaun ho haklaken sira nia fi'ar iha gruta santa filomena 

Regras ne'ebé bandu  ba vizitante sira maka hanesan tuir mai 

1. Sunu lilin iha nia fatin no labele sunu lilin kauza tomak hanesan iha kruz.

2. Labele sunu lilin mean iha gruta santa filomena.

3. Ba estudante sira ka vizitante sira soe lixu iha nia fatin ne'ebé prepara ona.

4. Labele halo video ka tiktok ne'ebé la edukativu iha Santa filomena nia oin .

FOTO CAPTION 

                           

Figura 1. 

Dalan boot tama mai  vizita Santa filomena nian 

Foto husi : Fatima Pinto 

Figura 2.

 Fatin ne'ebé vizitante sira hamrik hodi hasae orasaun ba santa filomena.

Foto husi : Albinia  Madeira 

Figura 3. 

Fatin sunu lilin  wainhira vizitante sira hasae orasaun .

Foto husi : Fatima Pinto 

Figura 4.

Regras ne'ebe vizitante sira tenki halo tuir wainhira mai iha gruta santa filomena.

Foto husi :fatima Pinto 

 

Figura 5. 

Depois reza hotu vizitante sira sempre hasai foto iha Santa filomena oin tanba ho Inan nia figura nebe furak tebes.

Foto husi : Amoi Sanches